返屋企......無咩點訓過.....就要出發去西貢.....
去一個月前已約實的重要約會---操雙坳!!!
凌晨~12點由起點麥徑第3段----北潭凹起步......
第一枝標距柱---M49......
摸黑走上雷打石....雞公山.....
晚上的雷打石 + 雞公山.....比日間的可愛得多....
仍然係一樣的鈄.....但就涼快的多~~~
係水浪窩見到有人放孔明燈......太太太過份la......完全無公德心ga....!!!!!
有無腦ga.....係郊野公園放火.....係咪釀成山火先開心....!!!
麥徑第4段的馬鞍山仍然依舊的邪惡.....
黑夜中前行.....四周漆黑一片......咩都睇唔到.....睡意特別濃......
睡魔開始襲擊我.......雙眼好累好累......眼皮好重......
身體開始唔想郁......好想訓......行上馬鞍山的路程.......好像變得長多la.......
好唔容易上到馬鞍山....wa!!!!!成個人突然醒晒.......
因為........真的.......真的.......好大風.....!!!!
唔好講笑.....雖然我下盤穩固.....我真係有d驚俾風吹走.....=.=".....
過左馬鞍山....個天亦開始亮起來......
走過一座又一座的山.....仍然未到麥徑第4段的終點........
但早上山間的景色.....實在係太太太靚la......^v^......
好唔容易走到基維爾營地.......已走了22.9 km.....
早餐在望......要努力向前.....!!!
麥徑第5段要先走過大老山......
通宵行左10多個鐘.....身體已經開始感到疲累.......
依個時候....我的身體已連續運作左26個鐘la..........>.<"......
終於有早餐食la.....好感動.....蕃茄通 + 凍檸茶ya~~~
行左一晚.....大家仲笑得出......我塊面變到腫腫脹脹的......>.<"...
10萬個感激運送早餐俾我地的大師兄~~~ >3<
食完早餐......係時候眠一眠.....唔理儀態咁係長椅上訓著.......訓左20mins.....
身體又再次恢復過來......又係時候上路la.....
繼續踏上麥徑第5段---獅子山.....
太陽出來la......氣溫亦開始上升......
烈日下........走上獅子山, 畢架山, 鷹巢山......
help!!!!! 熱死人la.....我就快溶la......
不停的出汗......成個人濕濕的.....>.<"......
畢架山見到的毅行者臨時電箱......
好唔容易......走到大埔道.....走左33.6km la.....
見到d巴士高速飛馳......嗚鳴鳴....我都想搭車返屋企ah.....T.T......
麥徑第6段就係要走過金山......即係最邪惡的馬騮山....!!!!
馬騮山....真的有好多好多的好惡的馬騮.......
不停走來走去....向路人討吃.......應該話....係搶路人的食物.....
依個時候.....係時候食野......一陣行先有energy支撐......
但係依度食野係極度危險ga......只要一拎任何疑似食物or膠袋出黎.....
成千上萬的馬騮就會一擁而上.....>.<"
只有捱著餓繼續向上行......仲要全程拎著行山仗.....以防d馬騮撲埋黎!!!!
d人好無公德心.......依度嚴禁餵飼馬騮ga!!!!
最憎d人係度餵馬騮...!!! 搞到d馬騮愈黎愈惡.....!!!!
走到城門水塘.....已經走了38.1km......累....累....累......
好想放棄.....但已走到第6段......不如繼續走下去......
麥徑第7段.......一直都係我最怕的路段........
因為對上2次上針山......印象中都係極度辛苦的.....
再加上.....已走了30多公里......身體已很累.....我有力氣上去ma?
媽ah.....真的有好多好多的樓梯.....+.+"....
唔知係咪因為上針山前.....我食左野+訓左一陣+天氣涼左.......
今次上針山......再沒有之前個種極度壓惡的感覺.....
不斷的向上行......盡量唔俾自己停下來......又唔係好辛苦wor.....
針山頂在望la.....
我做到ga.....加油加油加油加油!!!!!
上ah上ah上ah上ah......我終於上到針山頂!!!!
超感動ah!!!!!對上一次上頂....我要70mins.....
今次.....我用左50mins !!!! yoyoyo~~~~
回望水塘的景色......
上山容易下山難.......每行一步......膝蓋都痛痛的......>.<.....
原來.....係想skip左草山......落鉛礦坳上大帽山......最終目標為荃錦坳......
但係......我地係第一個分岔口走錯路.........落左去畔塘徑.....
如果由畔塘徑去鉛礦坳......就要走上一條極無聊Z型的林道........
之前行衛奕信徑.....已經行過2次.......真的唔想再走多次la.....
而且.....身體已好疲累.......走過極無聊Z型的林道後......應該無力上大帽山lu.....
最後......走回城門水塘........係菠蘿壩搭車走人......
total 用左19個鐘.......走了47km.....簡直係一種精神+身體上的煎熬!
縱使.....最後完成不了操雙坳的任務......
但今次的旅程.....我覺得自己已經好叻......
之前一日咁早起身.......身體non-stop 咁活動左30幾個鐘......so crazy!!!
平日通完頂已經累得不似人形.....何況今次仲要做劇烈的運動......>.<".....
今次的旅程.....係一個好好的體驗~~~~
依個旅程.....
最需要的.....唔係體力.....而係意志......體力由始至終都沒有........=.="
最辛苦的.....唔係距離.....而係睡魔的引誘......行行下太眼訓....2次差點碌落山....>.<...
最害怕的.....唔係黑暗.....而係o個種令人想放棄的感覺......!!!
最開心的.....係4個人一起走的感覺真的好好.......多謝隊友沿途的照顧+等待.......^3^~
沒有留言:
發佈留言
謝謝大家的留言! 我會盡快回覆大家的!