2010毅行後感

毅行者.....完結了......

毅行者......我一直都好想參加....可惜......抽了好幾年都抽唔中......
今年機緣巧合下......我終於有機會參與依項山界的盛事......

毅行者的路線.....跟全走麥理浩徑的路線有少少不同....全長102km......
由新界東走至新界西......即由西貢走到元朗......
貫穿八個郊野公園....要走過一座又一庭的高山.....
參賽者要係48小時內完成102km......

我地係0947小隊......隊名係3km......
3km 依個隊名我諗左好耐先諗到.........
包含左我地4人的名字.....3km係我地的均速.....3km又同distance 有關.....
我心底裡蠻喜歡依個隊名ga~~~~ ^v^~~~

比賽的過程......雖然好多人都都話係攞苦黎辛.....但係令人回味的......
毅行的36個鐘......除左吃, 喝, 拉, 撒....就只有行.......
所有的action都係為左解決身體最基本的需要.......
2年前行雷利的時候....令我深深明白hypoglycaemia的恐怖.....
所以......即使仲未feel到自己肚餓......已經要不停的逼自己食野......
飲左太多的pocari.....依家諗起pocari的味道都想嘔......>.<......
不停行不停行......行屍走肉.....行到成個人都痳木.......

比賽前.....4個人整整齊齊咁衝線.....係我最大的目標.....
不幸地......過程中受傷了......肉體上的痛楚.....遠遠不及內心的痛楚......
我能捱到最後ma?
5km......突然覺得好遙遠.......食左止痛藥.......但每行一步仍然係痛得要死......
喊著的走最後的5公里.....打死都唔會放棄.......我知我可以堅持下去的......
係最後的5公里受傷.....我覺得自己好好彩......
如果係頭幾段受傷.......我根本無可能完成100km......
捱過了......我做到了......

4個人8隻腳一條心.......背後的意義......比一切都重要.......
我一向都唔鐘意同人鬥......做時間? sorry not my cup of tea......
參加毅行者.....亦只係想挑戰自己.......
之前同人講我去行毅行者.....大家的反應都好一致----你得唔得ga?
無錯....我無體能.......但對毅行者的一份堅持......我係有的......
我要完成的.........我一定一定會做到.......^3^.......

能夠完成100km.....
要多謝隊友沿途的照顧, 體諒 + 支持.....
要多謝support team 的支援 + 陪行......
要多謝所有sponsor 的支持......
要多謝各位義務工作人員緊守岡位.......

毅行者.....完結了......終於了結左我多年的心願.......
最後我地係1029 隊參賽隊伍中.......排名554......
興奮過後.......難免有點點的失落.......毅行者2010過去了....
如果......下年有機會的話.....好希望好希望可以再次參與毅行者....^3^~~~