今日......同朋友講起以前補習的辛酸史......
返屋企忍唔住睇番以前同學生的合照......勾起左好多好多的回憶......
o岩o岩讀大學的時候.....大個女唔想問屋企拎錢......
但讀nursing 的課堂又好多.......好多時都要番0830-1700......
好難搵份固定的part time 做......
最簡單直接最適合我的搵外快方法.....當然係補習la.....
有一個學生令我印象好深刻的.....
佢叫雯雯......佢讀3年級o個陣.....我開始幫佢補習......
佢一開始好靜好乖.....唔多出聲咁.....我心諗.....執到寶la......一定好易教......^v^.....
點知......我估計錯誤la......識左佢幾日.....佢就變左開籠雀......=.="....
雯雯其實有小聰明......但係就好懶惰.....
佢好無記性.....教完佢d野轉頭又唔記得.......
佢阿媽就一心想佢band 1 的中學......但又唔明白.....個女根本達唔到要求.......
不斷強迫個女去書......讀得唔好就狂鬧佢.....什至打佢.......
我一直都覺得佢好可憐.......好希望可以教好佢.......
每一次上堂.......除非教d佢感興趣的課題.....否則.....都好唔專心....成日靈魂出竅咁的樣......
再唔係......就自己走黎走去......總之就好似失控咁.....=.="....
仲要成日蝦我.....搣我.......咬我.........整古我.....=.="
唔知點解.....對住小朋友.....我就完全惡唔出.......=.="
我惡的時候.....佢以為我同佢玩緊.......=.="......女仔黎講.....佢都算相當百厭......>.<.....
但佢都有可愛的一面......我係由心底裡喜歡依個小朋友......
佢樣子甜美可愛......好得意.....好天真好單純~
每次我一黎......佢就會好熱情咁攬住我.......好warm ga~~~~ ^v^
教依個小朋友係要軟硬兼施.....
我覺得.....對佢太惡....好多時都適得其反......對佢太溫柔.....佢又完全失控.......
要係2者之間strike a balance.....一d 都唔易......
不過....佢有張良計......我有過牆梯.......
幾百厭都好......都係一個小朋友.....都係抵受唔住幾樣野---糖果, 讚賞.....
小朋友同大人一樣.....都係要tum.....
與其不斷鬧佢打佢去逼佢溫書......不如令佢對課題增加興趣~
教左佢2年.....佢的成績由合格邊緣.......跳升到90幾分.......
對我黎講......已經叫做好大進步ga la......
後來我去左醫院做tuns.......就無再教佢......
其實都有d唔捨得......過左好幾年la.......唔知......佢依家點lei.....?
沒有留言:
發佈留言
謝謝大家的留言! 我會盡快回覆大家的!