小肥肥4

小肥肥......仍然係我工作的病房裡......
佢係度stay左......接近2 個月la......

逗留的時間久了......佢對我地的工作模式......亦非常的熟悉......
佢見我地平日的工作繁忙......經常都做"part time" 幫我地.....解決其他病人的需要.....

小肥肥工作1: 鼓勵進食員
小肥肥的鄰居1號 發冷發熱婆婆最近都食好少食物.....我每天都要威逼利誘佢進食......
今早.......病人食早餐的時候.......小肥肥不停同發冷發熱婆婆講.....
小肥肥...."阿婆........你食多d la...."
發冷發熱婆婆...."我......我......食唔落......"
小肥肥...."你食多2匙la.....你個室等緊你ga....食咁少.....點見佢ah?"
最後......發冷發熱婆婆....又真係比平日食多左1,2匙......^v^....

小肥肥工作2: 電話直撥員
醫生巡房的時候......
(朝早sit out 病人坐的椅子....有一張桌子"塔"著.....病人係唔能夠大幅度移動的....而且.....小肥肥身上繫著好多喉管......要活動.....一點都唔容易.....)
小肥肥拎住份報紙......拼命的伸向鄰居1號 發冷發熱婆婆的方向......
依個動作....對小肥肥黎講......係超難的ah!!!!
我...."小肥肥......你做咩ah?"
佢...."發冷發熱婆婆想打俾佢個仔ah....佢搵唔到個電話....."
我...."得.....我幫佢搵.....你自己小心d坐番好d....."
最後.....當然....我就幫發冷發熱婆婆打左個電話俾佢個仔.....^v^...

小肥肥工作3: 人肉監察器
小肥肥的鄰居2號 看不見婆婆因為有眼疾.....
佢係睇唔到野ga....成日都一副沒有安全感的樣子.....
每次想叫我地幫佢.....又搵唔到個叫人鐘的時候......就會係度低聲怪叫....
小肥肥..."maymay...."
我..."做咩ah 小肥肥?"
佢..."看不見婆婆爬床ah......佢想叫你地....又唔知放左個鐘去邊la...."
我..."......ok.....我去睇下....."
最後.....我滿足左看不見婆婆的需要---飲水........^v^....

小肥肥所做的.....可能係微不足道......
但係我眼中.......一幕又一幕的微不足道......加起來就唔再係微不足道......
2個陌生人係醫院相遇......伸出援手唔係必然的......
我深信......小肥肥係一個善良的人......
希望佢快d好番......快d可以出院........^v^....