熊啤啤婆婆

熊啤啤婆婆.....係一個80多歲有老人痴心呆症的婆婆......
做完乳房手術後傷口爆開左......入左院........
佢終日都攬著一隻粉紅色熊啤啤......緊緊的抱在懷中.....
點都唔會讓人拎走佢隻熊啤啤.....

佢o係我工作的病房.....已stay 左一段長時間......
其實好幾個星期前......醫生已經俾佢出院....
可惜.....每一次.......佢的家人都有唔同的原因.....都唔願意接佢出院......
婆婆整天都嚷著要出院.....完全唔知道無得返屋企的原因....好可憐......

有一日......婆婆攬著熊啤啤.....面上掛著兩行眼淚.......
原來佢個仔唔接佢......亦好幾日無黎睇佢.......
睇到真係令人好心up......令人都想喊埋一份.....>.<....

直至有一日.....終於見到佢個仔la.....佢竟然主動走黎揾我....
佢..."你就係X姑娘la?"
我..."係ah, 我之前同你講過4次電話, 其實醫生俾婆婆出院ga la, 你幾時接佢出院ah?"
佢..."er......"
我..."婆婆好想返屋企.....佢成日都嚷著想見你ga....."
佢..."我知....."
我..."咁你接佢番屋企la.....番屋企休養好d ga...."
佢..."我要問下我老婆先....."
我..."=.=...."

其實.....之前同佢講過4次電話......
每次叫佢接熊啤啤婆婆出院....佢都話要問下老婆......
ai.....好一個小男人.....咩都問老婆....=.="
我明白.....家家有本難諗的經.....佢可能有自己的難處....
但如果我係熊啤啤婆婆......知道個仔唔肯接我返屋企....一定好傷心......一定心碎.....

伴侶重要....順利的話......佢係陪你走過人生2/3 的人.....
父母重要....雖然佢陪你的時間...未必及得上伴侶...但沒有父母...根本無機會來到依個世界....
在兩者之間....要取得一個平衡ya.....雖然有困難....

幸好......最後....擾攘左好一段日子......婆婆終於出院....可以返屋企....