可以自律一點嗎?

每日到了探病時間......係病房一日裡最繁忙最混亂的時間......
成千上萬的病人家屬會湧入病房.......亦係我地煩惱的時刻......

令人煩的係......
事實上.......醫院的 regulation 係只限每次2個人探病.....
但老實講.......有多少個家屬會乖乖地依從........=.=".....
完全無視regulation 的存在.......有些更過份得坐在其他病人的病床......*O*.....
會見到一個奇觀---每張病床都有人肉布廉......人多得完全遮蓋著病人......
平日我地見到.....只要佢地唔係太過份......我地都唔會趕佢地出去ge......
但事實上....太多人圍住病人......都唔太好的.......

更煩的係......
我明白.....家人入院係令人擔心的......但家人之間可以有d 協調溝通 ma?
同一個病人.......同一個問題........d 家人問完又問.....
今日家屬A問完.....隔一陣家屬B又問......再隔一陣家屬C又問.....聽日輪到家屬D問.....
最無奈係.....隔多一陣.....家屬A話唔記得左又再問......*O*....

更更煩的係.....
醫院有一段3語廣播......內容大致係......
"依家係打針派藥的時間.....請大家係床上靜心等候....."
廣播的目的......就係希望patient 唔好依個時候出黎問這問那.......這是需要自律的.....
問題係......部份家屬選擇性失聰當聽唔到......仍然係不停咁湧出黎問野.........
令人無奈的係......明明叫左佢係床邊等我派完藥過黎解答non-urgqnt 的問題......
佢竟然一而再.....再而三的出黎"提醒"我.......20mins 內召喚我4次.......*O*.....
更令人無奈的係.....答左唔夠5mins又問......點解唔一次過問晒lei?
我地派緊藥打緊針........係需要核對的......
老實講......萬一touchwood派錯藥打錯針.....有人會理會當時有人騷擾個姑娘嗎?
o個d 最叻"捍衛病人權益"渲染造謠的各大報章.....
就會寫...."xx醫院派錯藥病人枉死"......
又唔見...."xx醫院病人家屬派藥時間不自律, 以致病人枉死"?

可以自律點嗎.......?