Day 10 蕃紅花城 上篇之四人旅行團

係巴士站等了又等.......做左一晚露宿者........
好唔容易.......終於等到天開始光la......
日光開始從門窗透射進來.......但氣溫仍然只得攝氏6度.....天ah.......凍死我la......>.<".....
原本極度冷清的巴士站開始愈黎愈多人.......突然熱鬧起來......
梳洗過後......7點多就上車la.....

我地的下一站係Safranbolu 蕃紅花城........gogogo!!!

今次乘搭的.....又係Metro公司的巴士.......
尋晚on & off 的訓.......好似無訓過咁........
上左車......不消一會.....我& ah da就去左見周公子la.......

當我再次張開眼睛.......
外面的景物完全唔同晒........快要到Safranbolu 蕃紅花城........
點解個天又係灰灰的? 太陽又去左邊ah!?

Safranbolu 蕃紅花城......係一座山城......於1994年登錄為世界遺產......
17-19世紀時......依度盛產銅製品, 馬鞍, 傳統糕點......係一個重要的商業城市.....
蕃紅花城避過城市化的侵擾......仍然完整的保留著ottoman鄂圖曼式的建築.......
又因為依度以前盛產蕃紅花(Safran)......所以得名.....

早上的11點多.....終於到左蕃紅花城......
一落車.....外面下著大大的雨.......我地先要去搵今晚住的Hostel......
之前係cappodocia 認識的台灣女仔Lily....recommend 我地去一間佢住過的hostel......
我地拎著一張人手畫唔o岩比例的地圖 + 一個地址......
問左好幾個路人....都無人知係邊......
sigh.......而且......周圍的景物同我之前睇書的又唔同.......我地係邊lei?
幸好......遇到一位非常熱心的韓國姨姨.....佢請我地搭的士.....仲要陪我地去搵hostel....
問一問司機......原來我地落車的otogar 係新城區......而Hostel就係舊城區......
好唔容易.....兜了又兜......終於搵到我地要搵的hostel la.....

依個就係非常熱心的韓國姨姨.....又一次出門遇貴人lei~
佢嫁左黎turkey 好多年.......操一口極流利的土耳其語.....好犀利ya~~~
haha......真係好多謝你ah~~~

settle左之後......
我地就去tourist centre......拎一d information 先~~~
原來.......蓄紅花城的景點好分散.......散落係城的周邊......
join local tour 係最方便的遊覽方法.....
但每日黎蓄紅花城旅遊的人唔算多.......要湊夠至少4人都唔易......
當我&ah da 煩緊要包taxi 之際......幸運之神又再次降臨 la......
原來非常熱心的韓國姨姨係黎蓄紅花城旅遊.....再加上一位來自瑞典的姨姨.........
yeah!!! o岩o岩好4個人......成團.....gogogo!!!!

tourist centre 外的花盤.......好天然.......好得意lei~~~ ^v^~~~

一個鐘之後出發.....我地先去食個lunch 先......
無咩選擇......求其選左依間露天cafe.......

依個唔知係咩野pasta.........個樣好普通.........
但出奇地好好味~~~i m loving it!!!! ^v^~~

又係turkish coffee.....

食飽飽.....又未夠鐘番去集合的地方......
當然係周圍走走.....影下相......hea 一下.....
落完雨.....轉頭又出太陽 + 藍天白雲......土耳其的天氣真係變化莫測~~~~

街上佈滿大大小小的傳統建築物.......好靚~~~
依度係位於市中心的Cinci Hamami.......即係傳統的土耳其公共浴池......
每日都會經過依度好幾次.........但我無勇氣入去沖涼ah......
沖涼依d 好個人的活動.....都係自己係廁所沖好d......>.<......

依度係police station......好靚的一所差館lei~~~
好多警察叔叔企左係出面.....唔知做緊咩lei?

一個買左好多芝麻圈圈+係路邊休息的老伯伯.......
一副悠然自得的樣子........

係時候集合la.....
上左車後......就開始駛去人煙稀少的郊外去lu.....

第1站: Bulak Mencilis Magarasi 洞穴
依個洞穴位處一座岩石山內......係土耳其少數著名的鐘乳石洞......
有一條流經Bulak 村的Mencilis 河.......因此以Bulak Mencilis 命名.....
洞穴的深度.......長達6km......但可供遊人參觀的只有~400m......
洞穴內的溫度唔高......around 攝氏13度......

我地要先走上幾百級石級......先會走到位於山腰的鐘乳石洞.....
樓梯? 難唔到我的~~~~ gogogo!!!

鐘乳石要經過長年累月先可以形成......
雖然唔係第一次睇.......但每一次睇....都會覺得大自然的威力實在太強.......

陰陰涼涼的鐘乳石洞.......再加上滴水聲.....
唔好講笑.....依度熄晒燈.......都幾恐怖......
如果只有我一個人......我打死都唔會入黎.......>.<"......

五顏六色的燈光下.......唔知點解........我覺得好靈異.......>.<"......

行下行下.......不知不覺間......終於行到出去la.......又再次重見天日la.....
依個就係我地今次的導遊.........係一個地中海叔叔......
佢個頭好特別.....頭頂係呈鵝蛋形......好尖ga~~~~
我咁大個女第一次見咁尖的人頭! 世紀大發現!!!!
佢正職係一個英文教師........間唔中會客串做下導遊.......

沿著原路走lu......
導遊叔叔個個頭幾光滑.......反光!!!!

我地無落到去盡頭.......轉左入山路......去睇d 咩lei?



原來.......導遊叔叔想帶我地去睇附近的 Mencilis 河......

超大水......水流湍急+波濤洶湧........好似決堤咁......
d 水都幾清ga......由邊度流落黎lei !?

跌左落去......識游水都無用.......實死無生......
aiya........好驚.......都係行番埋d 穩陣.......>.<"........
第2站: Incekaya Su Kemeri 水道橋
一落車......點解個天黑左咁多ge!?
烏雲密佈........唔好落雨ah!!!!!

水道橋建於羅馬時代......橫跨 Tkatli Deresi 溪谷......
整條橋呈zigzag 形.......長~200m......寬~1.6-3m........
兩旁沒有扶手......可以橫渡到對面......
依個角度睇......睇唔出條橋係 zigzag形ga.....

依個角度睇....就清楚睇到la~~~
瑞典姨姨+韓國嬸嬸都好輕鬆咁過左去la......薑都係老的辣!
其實我都好想走去對面睇睇......但橋面好狹窄......又無扶手.....
我個人又畏高.....又細膽.....又怕死......
我鼓起勇氣行.......行左1/3......望一望對面........再望一望下面.......
嗚嗚嗚.........好高好高好高ah!!!!!!
腳軟軟......仲有2/3.......都係回頭是岸......即刻行番轉頭......>.<".....

橋下的青翠溪谷Tkatli Deresi..........個溪谷都好深好壯觀~~~~
最鐘意係安全的情況下.....睇d 壯麗的地理景觀......
如果可以走落去行下就好la......

水道橋周圍的景色......荒山野嶺.......>.<".....
人影都唔多個ah......又靜又偏僻......參加 local tour 依個決定係正確ga~~~

依度有個用石頭排列的心心~~~
我估依個係土耳其版的"I love u"........or  "Marry me?"
原來世界各地的追女仔方法.......都係大同小異......
又一次證明左........."橋唔怕舊, 至緊要受" 的道理.......
d 石頭都幾大舊......要搬黎搬去都幾吃力......係一份苦差......
堆砌心心的男仔真係有心......淨係睇佢背後付出的勞力........都值得嘉許 la!