MayMay 的無聊世界: Day 8 尼姆爾特山上篇之看日出的人頭

第一站: 尼姆爾特山Mountain Nermut
尋晚咁早訓.....因為今日要好好好早起身......
訓左6個半鐘......凌晨的2時30分要起床la......

去邊lei? 今日的行程.....係土耳其之旅的其中一個高潮---尼姆爾特山睇日出.....
換好衫.....去lobby 跟導遊哥哥+sam+ anthony 集合之後就出發la.....
由酒店的所在地adiyaman 出發.....由繁華的街道....駛去渺無人煙的荒山野嶺.....
時間太早.....我相信sam+anthony都好累.....無講野......太好la~
抬頭望出去.......見到漫天都係閃爍的星星......
係咁寧靜的晚上.......加上咁溫暖的車廂內.....
小妹的睡公主毛病又再次發作........z....z.....Z.....

當我再次張開眼的時候......今次唔係導遊哥哥叫醒我ga~ ^v^
車子正在一條小路上......不停的向上爬........
沒有街燈.......只有好少好細塊的反光板.....
我深信依條車路好狹窄.......宛迴曲折.....其中一邊亦應該係懸崖....=.="
老實講......我好驚....今次做咩咁早起身......=.="
隔左好一會.....車子繼續的向上爬....就見到依個牌......
已經進入尼姆爾特山 Mountain Nermut (Nermut Dagi) 的範圍.......

沒多久.......車子停了......
一落車.......xyz.....凍到阿媽都唔認得......
好大風......凍到好似無左知覺咁......>.<.....
導遊哥哥帶左我地去一間房子抖一抖......依間房子有好多人頭山擺設lei....
飲左一杯土耳其茶......成個人即刻暖番dd.....^v^
突然一個女仔走過黎.....非常熱情咁同我& ah da 講...."ko n ni chi wa"
我呆一呆....(我唔識日文.....但我估佢同我say hello.....)
"we are not japanese.....we are from HK....anyway nice to meet u....."
haha....佢之後同我地講番......原來佢第一眼見到我地.....以為我地係日本人lei....
不過係土耳其見到到人亞洲人....都份外有親切感lei.....^v^

當初為左減少行李的重量......我地只帶左好少好少的衫.....
頭先出去吹一吹.....正好話俾我聽....我又一次著唔夠衫la.....=.="
不過.....還好我有暖貼.....快dd發熱la........要到外面去la....
我地落車的地方.....離山頂有好一段距離......
車子上唔到去....遊人要徒步走上山頂........
一行出去......個天仲係好暗好暗.......未開始天光.....

導遊哥哥一馬當先.....走在前面帶路....
唔知佢咩構造.....咁凍的天氣下....都行得咁快.....
我流著兩行鼻涕.....喘著氣......慢慢的向上行.....
雖然手指都快凍僵......我堅持邊行邊影相.....實在唔想錯過咁靚的景色.....

omg.....一路行.......狂風一次又一次唔留情面咁拍打我塊面.....
xyz.....又痛又凍.......導遊哥哥話山頂係零度....=.="
好.....欣賞下山下的景色......分散一下注意力....就無咁凍ga la.....

好唔容易......終於俾我行到上去山頂la.....Mission Completed!!
山頂真係好好好好凍.......但睇日出的人都唔少.....
大家都各出奇謀.....為自己保暖......
唔知點解....見到依4個人排排坐....真係令人有衝動想踢佢地落山再搶埋佢地張被....keke~

wawawa......開始天光.....日出la!!!!!!!
好大的一個咸蛋黃~~~~

我& 日本妹的"合照".......

四周的景色.....

可能會覺得好奇怪.......
睇日出ja ma.....點解一定要上黎尼姆爾特山 Mt. Nermut lei?
尼姆爾特山 Mt. Nermut ......又名"人頭山"......係世界遺產之一....
海拔高2150m......山頂上分東西2個平台......遍布著一字排開的石製人頭.....
係西元前1世紀一個小國Commagene kingdom 的國王Antiochus I 所興建的.....
國王Antiochus I 很自戀....認為自己的功績......跟神一樣偉大......
所以山頂上.....除左有守護神的雕像外.....仲有國王Antiochus I 的石像....
依 d 石人頭原本連著身體.....守護在陵墓附近.....
後來經歷左好幾次的地震.....全都都趺左落黎......變成身首異處la.....
日出前的人頭石.......