毅行第7課: 麥理浩徑1,2

今日......同我親愛的古古去左郊遊......
其實.....今日只係閒遊.......唔係操山......
我選擇左麥徑1,2段......有景睇又唔算physically demanding.....
再者....毅行前又可以試下連走麥徑1,2段......

尋晚BBQ 完.....好夜先返到屋企.....
今日只係訓左幾個鐘.....就要起身la.....
我地11點....由麥徑第1段起點---北潭涌出發la~~~ gogogo!!!!

我掛住吹水.....見唔到第一枝---M000標距柱......>.<"....

一開始....沿住西貢萬宜路走......
無咩樹蔭.....又曬.....又熱......

一直沿著萬宜水庫行.....
天藍藍的.....水又係藍藍的......太美la~~

唔知依舊係咩黎? 集水區?

水漲的時候.....依個沙洲應該被掩蓋lu......

我地的合照~~~^v^~~~

西壩......

係西壩遇到的大叔.....
佢係廣洲黎的遊客......叫我地2個幫佢影左好幾張相 + 問路 + 搭訕.....
佢竟然著皮鞋黎行山.....=.="......我地勸佢沿路折返.....
繼續行.....繼續行.......水塘好平靜......波平如鏡......
我就同古古講......"古古...你睇下.....波平如鏡ah......"
古古又諗埋d衰野.....>.<"

見列依舊野.....終於行到東壩la......

非常專注咁影相的古古.......^v^.....

我地之前已經行過落去壩底.......所以今次唔去la~~~

地質公園.....

依度佈滿排列整齊......近乎垂直.......高聳的六角形火山岩柱......好狀觀lei~~~

開始去浪茄la~~~

其中一個我最鐘意的地方---浪茄......
醉人的沙灘......^v^.....

靚到好似假咁.......

要向著第2段進發la.....

慢慢行落去沙灘.......浪茄無論點睇......都係美的.....

對住d 咁靚的景色食蛋糕......真係人生一大樂事......^v^.....

繼續向前行......
見到"基督" + "耶穌"......唔知邊個整出黎ga lei!?

蝴蝶~~~

走過浪茄.......要開始上西灣山la.....
好一段時間.....無上過黎la.....
要由0m 的浪茄....上去314m的西灣山頂.....
今日天氣都幾熱......烈日當空下上西灣山.....都有d辛苦ga~~~

又係爛爛的路.......不過總好走過石屎路......

終於上到黎la~~~yoyoyo!!!

上完山....又係落山的時候la.....
遠望大浪灣......仲睇到蚺蛇尖......
對上一次係依個位望過去蚺蛇尖......係落著大雨.....咩都睇唔到ga.....
好開心......今次終於唔係落雨la~~~^3^.....

再zoom 近dd.....
過左毅行者.....我會再黎ga.....蚺蛇尖!!!

落到去吹筒坳.......向著西灣進發~~~
西灣都係好靚的一個沙灘......

過左西灣......上上落落的走了一小段山路.....
就到左著名的鹹田la.......
wow......好大浪ya~~~~
回望一下.......見到西貢三尖之一---睇魚岩頂......
鹹田最重要的地標---獨木橋......

個肚不停打鼓......去安記士多醫一醫肚先......
士多老闆好識tum 人......不停係度賣口乖.....haha~~~
吹左一輪水......古古不停被蚊針......真係好可憐......
但我著住背心都無蚊針我......又一次證明左我d血....唔o岩d蚊的口味.....^v^......
食飽飽.....有氣有力~~~ 要起程la.....

天色開始暗......亦開始凍la.....
我地唔可以再hea la.....要行快少少.....但古古腳痛咁上......所以都係唔快得好多.....
由鹹田上北潭凹的依段路......不停的上斜.....上斜......上斜.....好悶.....
好彩食左個麵先上黎......有氣有力咁上黎....感覺無咁差~~~
中途遇到超惡超大隻超恐怖惡狗......嚇死我la.......嚇到我標冷汗.....好想喊.....
一朝被蛇咬.....三年怕草繩.....係真ga.....
我細個被狗咬過.....到依家都係好驚大狗.....>.<"....
下次行山....都係誠徵"唔怕狗猛男乙個"同行......
走了又走.....終於到左北潭凹la~ yeah!!!


今日閒遊西貢......可以慢慢欣賞四周的景色......
沿途睇到咁多美景.....真係覺得自己仍然活著.....係一件好幸福的事~~~~
希望西貢一帶如畫般的美景....可以一直保存下來......
千萬唔好淪為有錢人的私人樂園......
另外.....今日行左~24km......要讚一讚古古......好叻lei......
平日無行開山.....行咁長途......行得晒已經好叻~~~